Jo të gjithë lojtarët do të “shpërblehen” për sakrificën e bërë

27 Gusht 2016 - 08:33      

Largimi i Valon Berishës nga Norvegjia dhe i Arbër Zenelit nga Suedia janë vlerësuar humbje të mëdha për përfaqësuesen A të Norvegjisë, përkatësisht për përfaqësuesen U-21 të Suedisë, shkruan sot Koha Ditore.

Berisha dhe Zeneli vlerësohen se në aspektin sportiv kanë bërë sakrificë kur kanë vendosur të largohen nga Norvegjia e Suedia për të luajtur për Kosovën.

Kanë lënë përfaqësueset ku janë vlerësuar lart. Kanë sakrifikuar edhe Milot Rashica, Alban Meha, Herolind Shala e Amir Rrahmani që lanë Shqipërinë për të luajtur për Kosovën si edhe Sinan Bytyçi që la U-21 të Austrisë për t'u vënë nën urdhrat e Albert Bunjakit.

Të gjithë lojtarët që së fundi i janë bashkuar Kosovës, pos Rrahmanit, luajnë në repartin ofensiv, përkatësisht si mesfushorë ofensivë dhe mesfushorë e sulmues krahu. Kjo ka bërë që mesfusha dhe sulmi i Kosovës të mbipopullohet. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.