Ledecky heq dorë nga milionat për t'u regjistruar në universitet

26 Gusht 2016 - 08:50      

Sa vlen Katie Ledecky? Notarja do të mund të kishte shumë më tepër - rreth pesë milionë dollarë në vit nga sponsorët. Por, ajo ka hequr dorë nga këto para pasi dëshiron të paraqitet në Universitetin e Stanfordit.

Notarja amerikane Ledecky ishte ylli më i madh i SHBA-së në not në Lojërat Olimpike “Rio 2016” duke dominuar në pishinë, raporton “Yahoo! Sports”, transmeton “Koha Ditore”. Ajo fitoi të artat individuale në 200 metra krol, 400 metra krol dhe 800 metra krol, si dhe të artën me stafetën e SHBA-së në 4x200 metra krol dhe të argjendtën në 4x100 metra krol.

Me një përformancë të tillë, shumica e sportistëve do të përgatiteshin për të shfrytëzuar dhe të përfitojnë financiarisht nga ky popullaritet.

Por, Ledecky 19-vjeçare ka vendosur të heqë dorë nga milionat tash për tash. Ajo dëshiron të studiojë në Stanford dhe të vazhdojë të garojë si amatore... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA