FFK konstaton disa lëshime në ndarjen e drejtësisë në xhiron e parë

22 Gusht 2016 - 16:21      

Komisioni Ekzekutiv i Federatës së Futbollit të Kosovës sot ka mbajtur mbledhje në të cilën ka konstatuar për një fillim të mirë me organizim të shkëlqyeshëm e me disa lëshime në ndarjen e drejtësisë në xhiron e parë të Vala Superligës së Kosovës.

FFK ka njoftuar se për këto lëshime është kërkuar që të merren masa për evitimin e tyre.

Për lëshime nga gjyqtarët më së shumti janë ankuar Gjilani dhe Trepça ’89, që vlerësonin se gjyqtari Besfort Kosumi ka dëmtuar palët në disa vendime.

KE po ashtu ka emëruar Komisionin e garave me aktet normativ të UEFA-s.

Komisioni për Vala Superligën dhe Ligën e parë të Kosovës do të ketë këtë përbërje:

1. Ismet Ahmeti, kryetar

2. Isuf Ajeti anëtar

3. Sahit Kelmendi, anëtar

Komisioni për Ligën e dytë ka këtë përbërje:

1. Ismajl Ajeti, kryetar

2. Ekrem Buçinca, anëtar

3. Bardhyl Seferi, anëtar

KE ka njoftuar se ka diskutuar edhe për përgatitjet për eliminatoret për Kampionatin Botëror Rusia 2018 dhe konstatoi se ato po rrjedhin sipas dinamikës me gjithë disa vështirësi të natyrave te ndryshme.

© KOHA. Të gjitha të drejtat janë të rezervuara.