SHBA-ja më e suksesshmja në "Rio 2016"

22 Gusht 2016 - 09:42      

SHBA-ja ka qenë më e suksesshmja në Lojërat Olimpike Verore "Rio 2016". Sportistët e SHBA-së kanë fituar plot 121 medalje, 46 të arta, 37 të argjendta dhe 38 të bronzta.

Notari amerikan Michael Phelps i solli SHBA-së pesë të arta e një të argjendtë në "Rio 2016", duke u përshëndetur në këtë mënyrë nga Lojërat Olimpike.
Britania e Madhe ka dalë e dyta në tabelë me një shifër rekorde të medaljeve prej 67 sosh, nga to 27 të arta, 23 të argjendta dhe 17 të bronzta. Ndërkohë për Kinën "Rio 2016" nuk ka qenë aq e frytshme. Kina doli e treta me 26 të arta, 18 të argjendta dhe 26 të bronzta.
Gjithsej medalje fituan 87 vende nga 206 sa morën pjesë në "Rio 2016". Në listën e vendeve që fituan medalje bën pjesë edhe Kosova, falë të artës së Majlinda Kelmendit. Kosova ndau pozitën e 54-t me pesë vende të tjera.

Ar. Argj. B
1. SHBA-ja 46 37 38
2. Britania e M. 27 23 17
3. Kina 26 18 26
4. Rusia 19 18 19
5. Gjermania 17 10 15
6. Japonia 12 8 21
7. Franca 10 18 14
8. Koreja e J. 9 3 9
9. Italia 8 12 8
10. Australia 8 11 10

........

54. Kosova 1 0 0
 

© KOHA. Të gjitha të drejtat janë të rezervuara.