“Makineria” Suarez shënon 17 gola në 6 ndeshje

21 Gusht 2016 - 15:28      

Luis Suarez shënoi hat-trick në ndeshjen e parë të La Liga teksa kampionët Barcelona shkatërruan Real Betisin.

Arda Turan e nisi serinë e golave për Barçën, para se Ruben Castro të barazonte shifrat nga gjuajtja e lirë.

Lionel Messi ktheu skuadrën e tij në epërsi me një goditje nga një distancë mbi 20 metra para se Suarez të dyfishonte epërsinë, raporton Koha.net.

Suarez shënoi golin e katërt, me pas Messi shënoi për 5 me 1, dhe Suarez sërish shënoi nga gjuajtja e lirë për golin e tij të tretë dhe të gjashtin për skuadrën, para se Castro të shënonte sërish në minutat e fundit për Betisin. Rezultati përfundimtar ishte 6-2.

Sulmuesi uruguaian Suarez, i cili sezonin e kaluar e përmbylli si top-golashënuesi i La Ligas me 40 gola, tani ka 17 gola të shënuar në gjashtë ndeshjet e fundit të ligës.

Suarez ishte pjesa integrale e Barcelonës që sezonin e kaluar fitoi titullin duke ndihmuar klubin me 14 gola në pesë ndeshjet finale në La Liga – të gjitha fitore – përfshi edhe një hat-trick në fitoren 3-0 në ditën e fundit kundër Granadas.

Dhe ish-sulmuesi i Liverpoolit e nisi sezonin e ligës me ritëm të njëjtë, me tre gola të bukur, përfshi edhe një gjuajtje të lirë të mrekullueshme.

Gjashtë ndeshjet e fundit të Suarezit në La Liga

4 v Deportivo La Coruna (8-0)
4 v Sporting Gijon (6-0)
1 v Real Betis (2-0)
2 v Espanyol (5-0)
3 v Granada (3-0)
3 v Real Betis (6-2)

© KOHA