Brazili mposht Gjermaninë për të artën olimpike

21 Gusht 2016 - 08:23      

Brazili ka bërë historinë duke fituar medaljen e parë të artë në futboll në Lojërat Olimpike.

Brazilianët mposhtën në finale kombëtaren e Gjermanisë në sfidën e e luajtur në “Maracana” duke hyrë në histori.

U deshën gjuajtjet e 11-metërshave për të vendosur fituesin e kësaj finaleje, pasi 120 minutat përfunduan me rezultatin e barabartë 1-1.

Neymar shënoi një super gol për Brazilin me anë të një goditje dënimi, që u barazua në pjesën e dytë nga ana e Meyer.

Nga pika e bardhë e 11- metërshave Brazili u tregua më i saktë duke fituar me rezultatin 5-4.

Pas kësaj ndeshjeje, ylli brazilian, Neymar, njoftoi se nuk do të jetë më kapiten i skuadrës.

“Sot, si një kampion, unë jam duke heq dorë nga shiriti i kapitenit. Kam qenë i gatshëm për të marrë shiritin e kapitenit, të cilin e kam nderuar, por sot po e lë. Tite mund të zgjedh një kapiten tjetër”, ka deklaruar Neymar. 

© KOHA