Van Niekerk po jep shpresa për të ardhmen e atletikës

16 Gusht 2016 - 11:07      

Pavarësisht nëse fitore apo humbje, Usain Bolt gjithmonë do të dominonte lajmet e Lojërave Olimpike në garat e atletikës, por Wayde van Niekerk i ka ofruar sportit të tij shpresë për të ardhmen përtej pensionimit të xhamajkanit, duke vendosur rekord bote në shtegun në Rio de Janeiro të dielën.

Njëzet minuta para se Bolt të fitonte për herë të tretë rresht titullin olimpik në 100 metra sprint, jug-afrikani vrapoi me një temp të jashtëzakonshëm duke fituar të artën në 400 metra vrapim dhe duke thyer rekordin 17-vjeçar të amerikanit Michael Johnson, shkruan Reuters, transmeton “Koha Ditore”. Van Niekerk vrapoi me kohë 43.03 sekonda, ndërsa rekordi i Johnsonit ishte 43.18 sekonda.

Ishte rekordi më i vjetër në sprint te meshkujt - Bolt i ka rekordet në 100 dhe 200 metra - dhe një që shumë menduan se nuk do të thyhej kurrë.

“Unë besoja se është e mundur”, ka thënë 24-vjeçari. “Unë jam i lumtur që gjërat shkuan siç planifikova. Ende jam i tronditur, po më duket shumë joreale”.

Arritja e Van Niekerkit ishte edhe më e jashtëzakonshme me faktin se në finalen në Lojërat Olimpike “Rio 2016” të dielën ai vrapoi nga korsia e tetë, ku është e pamundur të shohësh ndonjë rival.

“Unë nuk besoj se ndonjë atlet do të donte të ishte në korsinë e tetë, por e kam zbuluar se ka avantazhe siç ka disavantazhe. Ke mundësinë perfekte që të futesh sikur je në stërvitje dhe të shkosh sa më fort që të jetë e mundur”, ka thënë Van Niekerk... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA