Wenger thotë se Arsenali ka nevojë për dy transfere

14 Gusht 2016 - 20:12      

Trajner i Arsenalit, Arsene Wenger, ka deklaruar se ekipi i tij pësoi humbje në start të sezonit të ri nga Liverpooli për shkak se kishte mbrojtje të papërvojë.

Arsenali u mposht 4 me 3 në shtëpi, ndërsa pas kësaj, Wenger ka deklaruar se po përpiqet që të transferojë dy lojtarë të rinj për të mbushur mungesat që ka në ekip, pas lëndimit të dy qendërmbrojtësve, Per Mertesacker dhe Gabriel Paulistas.

“Kemi luajtur mirë në pjesën e parë dhe ishim të pafat në pësimin e golit në fund të pjesës së parë. Pas kësaj na mungoi eksperienca. E kam thënë disa herë që po përpiqemi të transferojmë edhe një ose dy futbollistë. Transferimet duhet të kenë kuptim dhe të jenë kualitativë”, ka thënë francezi pas takimit.

© KOHA. Të gjitha të drejtat janë të rezervuara.