Dy meraket e top-golashënuesit kosovar

14 Gusht 2016 - 10:21      

Kanë kaluar dy vjet prej se Blerand Kurtishaj nuk arriti të transferohej te skuadra elitare e Belgjikës, Oud-Heverlee Leuven. Kalimin nga Kosova në Belgjikë ia mohoi operimi i hernies. Por, sulmuesit të Ferronikelit ende i mbetet merak që nuk arriti ta bëjë ëndrrën realitet - të luajë në një skuadër jashtë Kosovës. Ai po punon për këtë.

“Është meraku më i madh i jetës, ende e kam merak, por kështu e ka jeta”, thotë Kurtishaj, që është në pritje të një rasti tjetër, shkruan sot “Koha Ditore”.

Kurtishaj 22-vjeçar tregon se në vitin e parë në Belgjikë e ka pasur obliguese vetëm të stërvitej me ekipin e parë. Të zhvillohej e të bëhej gati për karrierë të madhe.

“Por gjatë qëndrimit në Belgjikë u desh t'i nënshtrohem operimit të hernies”, ka theksuar Kurtishaj.

Futbollisti nga Suhareka, në kohën kur ishte pranë kalimit te skuadra belge, ishte pjesë e skuadrës Trepça '89 nga Mitrovica... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.