Imazhi i artë i Kosovës

14 Gusht 2016 - 08:02      

Majlinda Kelmendi preku majën. Fitoi titullin më të madh të mundshëm në sport - kampione olimpike. Duke fituar medaljen e artë, Majlinda realizoi ëndrrën, e futi Kosovën në radhën e shteteve me medalje olimpike, bëri që flamuri i shtetit të ri të ngrihet më lart se shtetet më të mëdha të botës dhe i solli shumë gëzim e krenari popullit të vet.

Kulmin e suksesit sportistja kosovare e arriti në kohën kur vendi po kalon nëpër telashe të mëdha të shtetësisë, shkruan sot “Koha Ditore”.

Për shtatëmbëdhjetë vjet që nga përfundimi i luftës së armatosur kundër regjimit të Serbisë, Kosova ka zënë titujt e medieve ndërkombëtare me raporte për krim të organizuar, korrupsion, akuza për trafikim organesh, ekstremizëm fetar, trazira politike, probleme ekonomike e sociale.

Fitorja e Majlindës ishte lajmi më i bukur për Kosovën pas shpalljes së Pavarësisë. Mediumet e mëdha si CNN, The New York Times, The Guardian, NBC, Euronews, BBC raportuan për fitoren e Majlindës si një ngjarje superpozitive për Kosovën... (më gjerësisht lexoni sot në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.