Kuka thotë se medalja e Majlindës është e Kosovës dhe Shqipërisë

13 Gusht 2016 - 19:29      

Trajneri i madh kosovar, Driton Kuka që ka trajnuar dy olimpistet Majlinda Kelmendi e Nora Gjakova, ka shkruar në llogarinë e tij në Facebook, ditën e fundit të Lojërave Olimpike për Kosovën.

Ai ka thënë se paraqitja e Kelmendit dhe Gjakovës e kanë bërë shumë krenar dhe i kanë shpaguar çdo orë punë, transmeton Koha.net.

“Dhashtë Zoti që kjo performansë të shndërrohet në energji sportive për përkrahje sportit e sportistëve!
Nxënëset e mia fort më keni nderuar,çdo ditë e çdo orë për këto 16 vite që punoj me ju mi keni shpaguar në mënyrën ma te mirë të mundshme!”, ka shkruar Kuka.

Ai ka thënë më tej se medalja e Majlinda Kelmendit është e përbashkët për Kosovën dhe Shqipërinë, që edhe pse mbi 100 vjet shtet, ende nuk ka marrë një medalje të artë.

“Ajo që sështë arrit nga shteti ynë amë Shqipëria për më se 100 vite u arrit për shtetin tonë të ri qysh me paraqitjen e parë,medalje kjo që është e përbashkët e të dy shteteve tona e popullit tonë në mbarë Boten”, ka përfunduar Kuka.

© KOHA. Të gjitha të drejtat janë të rezervuara.