Brazili gjen ritmin kur i duhet më së shumti

12 Gusht 2016 - 13:01      

Pas dy ndeshjeve pa shënuar gol dhe pasi është fishkëllyer nga tifozët e vet, përfaqësuesja e Brazilit në futboll të meshkujt, ka gjetur golin në Lojërat Olimpike "Rio 2016" të mërkurën mbrëma, duke shënuar katër herë në fitoren 4:0 ndaj Danimarkës në xhiron e fundit të fazës së grupeve. Me këtë fitore siguroi kalimin tutje, shkruan sot Koha Ditore.

Brazili, që kurrë nuk ka fituar medaljen e artë olimpike në futboll të meshkujve, në turneun e futbollit në "Rio 2016" u fut si favorit, por futbollistët brazilianë u kritikuan ashpër pas barazimeve pa gola kundër Afrikës së Jugut dhe Irakut.

Mirëpo, fitorja ndaj Danimarkës, që siguroi vendin e parë në Grupin A dhe përballjen çerekfinale me Kolumbinë në Sao Paulo të shtunën, mund të jetë start i ri, ka thënë sulmuesi brazilian Gabriel Jesus. "Do të gënjeja nëse nuk them se ishte çlirim. Isha në presion, jo vetëm pasi nuk kisha shënuar, por pasi skuadra nuk kishte shënuar.

Por, kemi luajtur mirë dhe i kemi merituar tri pikët. Ka qenë më e lehtë kësaj radhe. Kemi gjetur golat, diçka që nuk e bëmë në ndeshjet e kaluara...(Më gjerësisht lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni. 

© KOHA. Të gjitha të drejtat janë të rezervuara.