Kenia goditet nga një skandal dopingu e korrupsioni

8 Gusht 2016 - 12:22      

Delegacioni i Kenias në Lojërat Olimpike "Rio 2016" ka dërguar menaxherin e skuadrës së atletikës në shtëpi, pas akuzave se ai ka kërkuar para për të njoftuar gazetarët e maskuar, që janë shtirur si përfaqësues të atletëve, se kur do të vijnë kontrollorët e dopingut.

Michael Rotick ka mohuar akuzat e publikuara në "Sunday Times". Agjencia Keniane e Anti-Dopingut ka thënë se do të shikojë këto informata, përcjell Koha Ditore shkrimin e Reuters.

"Komiteti Olimpik i Kenias ka kërkuar atij që të largohet nga ekipi, pasi prezenca e tij është shpërqendrim për skuadrën. Këto janë akuza shumë serioze. Ne do të shikojmë këto akuza, nëse vërtet ka ofruar atë që ka thënë se mund të ofrojë", ka thënë zëdhënësi i Komitetit Olimpik Ndërkombëtar (IOC), Mark Adams.... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.  

© KOHA