Krenar me vajzat e tyre

7 Gusht 2016 - 11:54      

Shkëlqimi shfaqet përsëri e përsëri: nga një nënë në stol, një baba në veturë, një tjetër pranë rrethojave. Është një lloj shndritje e pagabueshme në fytyrat e prindërve në mijëra fusha stërvitore të futbollit nëpër botë, por ka një dallim.

Kur këta prindër kanë mirëpritur në jetë vajzat e tyre, ata kurrë nuk kanë mundur të imagjinojnë se ato do të mblidhen natë pas nate në një fushë të rrethuar në "King Hussein Sports City", afër qendrës së hipizmit dhe stadiumit nacional në Aman, përcjell Koha Ditore shkrimin e Washington Post.

Ata kurrë nuk kanë mundur të paramendojnë se do të shohin vajzat e tyre duke u stërvitur në futboll, e aq më pak duke u stërvitur me përfaqësuesen U-17 të Jordanisë për Kupën e Botës. Botërori i kësaj grupmoshe për femrat do të mbahet gjatë shtatorit në Jordani. Është Botërori i parë i femrave që po organizohet në këtë regjion.

"Jordania mund të jetë katalizator jo vetëm për veten, por edhe për regjionin", ka thënë Princi Ali Bin Al Hussein, që ka shtyrë për të marrë organizimin e Kupës së Botës dhe është anëtar i Federatës Botërore të Futbollit (FIFA). "Femrat përbëjnë 50 për qind të shoqërisë sonë. Ato duhet të përfshihen kudo"....(më gjerësisht lexoni sot në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.