Kërkohet dënim me burg për Mourinhon

5 Gusht 2016 - 09:01      

Trajneri portugez i Manchester Unitedit, Jose Mourinho, duhet të dërgohet në burg për mënyrën se si e ka keqtrajtuar mesfushorin gjerman Bastian Schweinsteiger, thotë anëtari i Unionit botëror të futbollistëve FIFPro.

Mesfushori 32-vjeçar, firmosi kontratë trevjeçare me Man. Utd në verën e vitit 2015 dhe luajti 31 ndeshje stinorin e kaluar, por që nga ardhja e Mourinhos këtë verë ka stërvitur i vetëm dhe po ashtu me ekipin U-23 të skuadrës, përcjell Koha Ditore shkrimin e BBC.

"Është keqtrajtim i qartë. Në Slloveni, ne do ta dënonim me burg Mourinhon. Do të kërkonim dënimin më të lartë - tri vite burg", thotë anëtari slloven i FIFPro, Dejan Stefanoviq.

Mourinho ende nuk ka biseduar për të ardhmen e Schweinsteigerit, por pritet të mbajë të premten një konferencë për media për përballjen e Superkupës së Anglisë kundër kampionit të Premier Leagues, Leicester City.... (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA