Lavdia e humbur olimpike

2 Gusht 2016 - 12:38      

Shirley Babashoff po i vështronte retë e stuhisë në Los Angeles. Ato re dukeshin po të njëjtat që ia kishin shuar asaj mundësinë që të fitonte shtatë medalje të arta olimpike në Montreal 40 vite më parë, shkruan NYT.

Të njëjtat re janë duke u mbledhur mbi Rio de Janeiro, ku këtë javë nisin Lojërat Olimpike, duke kërcënuar që të futen anëtarë të rinj në një klub të elitës që askush nuk dëshiron t'i bashkohet: sportistët të cilëve iu mohua medalja e artë apo edhe medalja, nga garuesit që ishin të dopinguar.

Babashoff kishte arritur në Lojërat Olimpike në Montreal në vitin 1976 me mundësi që të arrinte përformancën e Mark Spitzit të vitit 1972, i cili me shtatë medalje të arta u bë ikonë amerikane e sportit, përcjell Koha Ditore. Babashoff, një kolege e Spitzit në ato Lojëra në Munchen, notonte dukshëm më shpejt katër vite më vonë, por u desh të pajtohej me katër medalje të argjendta olimpike dhe një të artë në stafetë. Karriera e saj ishte bllokuar nga notaret gjermano-lindore që më vonë u zbuluan se kishin qenë viktima me padijeni të programit të dopingut të sponsorizuar nga shteti.

E turpëruar nga mediumet dhe e kritikuar nga zyrtarët e notit, pasi ajo kishte drejtuar gishtin te muskulatura e kundërshtareve gjermano-lindore, duke sugjeruar se ato po mashtronin, Babashoff u largua nga vëmendja për shumë dekada. Ajo rriti të birin, Adamin tash 30-vjeçar, si nënë beqare, dukshëm larg vëmendjes duke punuar si korriere në Kaliforni.

"Unë punova fort për atë që nuk e mora", thotë Babashoff. "Kam pasur një shije të ithët në gojën time për shumë vite".

Babashoff 59-vjeçare së fundi i është kthyer jetës publike.... (Artikullin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA