Kosovës i kërkohet të sqarohet rreth Ligës Ballkanike

2 Gusht 2016 - 09:18      

Krerët e Ligës Ballkanike (BIBL) dëshirojnë të dinë numrin e skuadrave kosovare, të cilat janë të gatshme për t'u paraqitur në edicionin 2016/17. Nëpërmjet një letre, BIBL-i i ka kërkuar Federatës së Basketbollit të Kosovës (FBK) që mundësisht t'i dërgojë një përgjigje zyrtare nëse do të ketë ekipe nga Kosova në këtë garë dhe nëse po, sa.

Përderisa jozyrtarisht ka mësuar për interesimin e Pejës dhe Trepçës, BIBL-i ka bërë të ditur se dy skuadrat E tjera, Sigal Prishtina dhe Bashkimi do të japin një përgjigje përfundimtare gjatë këtyre ditëve, shkruan Koha Ditore.

Në letrën e tij, drejtori sportiv i BIBL-it, Shay Shtriks, ka thënë se tashmë ka njoftuar skuadrat e Kosovës për dokumentacionin që duhet rregulluar për të garuar në këtë ligë. BIBL-i shpreson të marrë një përgjigje gjatë kësaj jave, në mënyrë që të fillojë me përgatitjet për edicionin e ri.

"Kemi mësuar jozyrtarisht për interesimin nga Peja dhe Trepça. Sigal Prishtina na ka premtuar përgjigje gjatë kësaj jave, kurse Bashkimi brenda dhjetë ditëve", shkruan Shtriks.... (Artikullin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.