“Captain America” premton të ngulisë edhe për Kosovën

2 Gusht 2016 - 08:50      

Justin Doellman do të vazhdojë me përshëndetjen ushtarake pas çdo ngulitjeje që do të bëjë me fanellën e Përfaqësueses së Kosovës. Me këtë do t'u tregojë tifozëve kosovarë se për çka mban nofkën "Captain America".

Qendra 31-vjeçare është natyralizuar së fundi dhe do të ndihmojë Kosovën në ndeshjet eliminatore të "Eurobasket 2017", shkruan Koha Ditore.

Amerikani, që prej edicionit 2007/08 bën karrierë në Evropë, njihet me nofkën "Captain America", pasi sa herë bën ngulitje, kthehet nga tifozët dhe i përshëndet në mënyrë ushtarake. Ai thotë se një gjë të tillë do ta vazhdojë ta bëjë edhe për tifozët e Kosovës.

"Më quajnë ashtu, pasi sa herë që bëj ngulitje kthehem nga tifozët dhe bëj përshëndetje ushtarake. Është një gjë, të cilën e kam bërë gjithmonë. Do të vazhdoj ta bëj edhe për tifozët e Kosovës, pasi dua që ata të jenë të kënaqur me mua dhe ekipin", ka thënë Doellman.... (Artikullin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.