“Kosova ëndërr për mua, ata që e refuzuan ndoshta nuk e ndjejnë” [video]

1 Gusht 2016 - 21:21      

Njëri nga lojtarët kryesorë të Kosovës në kualifikimet e Eurobasketit, është Dardan Berisha, basketbollisti më i mirë i Kosovës, në vitet e fundit.

Sezonin e kaluar Dardani me Prishtinën fitoi gjithçka, duke përmbyllë një tjetër edicion të suksesshëm në Kosovë.

Por ai edhe lojtarët e tjerë të Kosovës, tani para vetes kanë një sfidë të re, me përfaqësuesen në kualifikimet e Eurobasketit, që Kosova merr pjesë për herë të parë.

Dardani, e njeh skenën evropiane, pasi ka luajtur edhe me Poloninë, madje edhe në Eurobasket. Me t’u pranuar Kosova në FIBA, ka qenë ndër të parët që ka pranuar të luajë për Kosovën, ndërsa ka folur edhe për ata të cilët e kanë refuzuar përfaqësuesen, raporton KTV.

Pas katër vjetëve në Kosovë, Berisha i dha fund aventurës me Prishtinën dhe është në rrugë për t’u kthyer në Poloni, atje ku luajti për ekipet Polonia dhe Anwil. Ai është në bisedime me ekipin e ligës së parë, Polfarmex Kutno dhe shumë shpejt do të nënshkruajë kontratë me këtë skuadër.

Dardani nuk e përjashton mundësinë e rikthimit në Kosovë, si lojtar apo edhe për të ndihmuar më pas basketbollin e Kosovës në forma të ndryshme.

Deklaratën e tij të plotë dhënë KTV-së mund ta shihni në videon e mëposhtme.

© KOHA. Të gjitha të drejtat janë të rezervuara.