Wenger për Mahrezin: Duam t’i mbajmë sekret planet tona të transferimeve

31 Korrik 2016 - 22:50      

Trajneri i Arsenalit, Arsene Wenger ka refuzuar të demantojë raportimet se “Topçinjtë” kanë shprehur interesim për transferimin e Riyad Mahrezit nga Leicester City.

Londinezët raportohet se janë duke kërkuar me ngulm shërbimet e algjerianit dhe Wenger ndoqi nga afër ndeshjen miqësore të Leicesterit ndaj PSG-së të shtunën, transmeton koha.net.

“Ne shikojmë të gjithë lojtarët. Ne do të luajmë ndaj Leicesterit në xhiron e dytë të kampionatit dhe sigurisht që ishte rast i mirë t’i shikoja nga afër. Nuk mund të them po ose jo nëse kemi bërë ofertë pasi nuk i publikojmë planet tona të transferimeve. Mënyra më e mirë është t’i mbajmë sekret”, tha ai për “Bein Sports” kur u pyet nëse ishte duke shikuar lojtarin e Leicesterit dhe nëse ka bërë një ofertë për të.

© KOHA. Të gjitha të drejtat janë të rezervuara.