“Kovaçiq nuk do të largohet nga Real Madridi”

30 Korrik 2016 - 19:21      

Mesfushori kroat, Mateo Kovaçiq, nuk ka për qëllim të largohet nga Real Madridi, teksa është i vendosur të luftojë për vend në ekipin e parë këtë edicion, ka deklaruar menaxheri i tij Nikky Vuksan.

22-vjeçari nuk arriti të gjejë vend në ekipin startues edicionin që shkoi dhe pati edhe raportime se ai mund të largohet nga klubi, transmeton KTV.

“Nuk kam folur me klubin pasi nuk është nevoja. Për momentin Kovaçiq po lufton për vend në ekipin e parë, pasi në këtë klub vetëm Cristiano Ronaldo e ka të garantuar vendin në 11-shen e parë. Ka shumë spekulime këtë vit për të, por Kovaçiq është lojtar i Realit, ndërsa trajneri ka besim të madh te ai. Çdo lojtarë duhet ta tregojë veten për të gjetur vendin në ekipin e Real Madridit dhe kjo është e vështirë”, deklaroi Vuksan për mediet kroate.

Kujtojmë se Kovaçiq ka kontratë me madrilenët deri në vitin 2021.

© KOHA