Torres dëshiron të qëndrojë tek Atletico Madridi

30 Korrik 2016 - 19:15      

Sulmuesi i Atletico Madridit, Fernando Torres, ka thënë se dëshiron të luajë te klubi momental edhe pas skadimit të kontratës, të cilën e përfundon vitin e ardhshëm.

32-vjeçari Torres, vitin e shkuar shënoi 11 gola në 30 paraqitje në La Liga, me klubin e tij që përfundoi në vendin e tretë prapa kampionit, Barcelona, dhe rivalit të qytetit, Real Madridit.

Torres, i cili ka 110 paraqitje me Spanjën, e filloi karrierën në Atletico para se të nënshkruante me Liverpoolin në vitin 2007. Më pas, në vitin 2011 iu bashkua Chelseat, transmeton KTV.

“Kam këtu edhe një vit dhe mendoj që të luaj një sezon të mirë, të shënoj sa më shumë gola, të fitoj trofe e më pas të nënshkruaj kontratë përsëri. Jam 32 vjeçar dhe ndihem i fortë, ndihem se mund të luaj edhe për shumë vjet në nivele të larta”, deklaroi Torres para gazetarëve në Melbourne.

Atletico do të luajë të dielën përballë Melbourne Victory të dielën.

© KOHA