Inspirimi rrjedh nga ngjarja, imagjinata dhe përjetimi

16 Tetor 2016 - 08:36      

Memli Kelmendi (1986) u lind në Pejë. Fakultetin e Muzikës e përfundoi në Prishtinë, ndërsa studimet pasdiplomike-master për “sound engineer” i kreu në Shkup në klasën e prof. Valentino Skenderovskit, ndërkaq muzikën e filmit e mësoi në klasën e prof. Darko Marinovskit.

Studimet master në dirigjim i përfundoi në klasën e dirigjentit të mirënjohur Bajar Berisha, shkruan sot “Koha Ditore”. Memli ka kompozuar muzikë për shumë filma të shkurtër dhe të gjatë, muzikë për teatër, muzikë serioze, muzikë artistike, muzikë për fëmijë e të tjera.

Është prezantuar si kompozitor dhe dirigjent në festivale të ndryshme brenda dhe jashtë vendit në Itali, Çeki, Kroaci, Filipine, Argjentinë, Turqi, Rumani, Kosovë dhe Maqedoni.

Kelmendi është personazhi i kësaj jave që rrëfehet në rubrikën e përjavshme “7 Shkronjat” në “E diela e Koha Ditore”.

Fillimi. Fillova me “Këngën e gëzimit” në fëmijërinë e hershme, duke aluduar se muzika në jetë të sjell vetëm gëzime.

Ndonëse muzika e përshkruan jetën në të gjitha emocionet e saj, pra përveç gëzimit shpreh edhe momentet pikëlluese. Pra, muzika është jeta... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.