Nis faza e dytë e vizitave sistematike në shkollat e Malishevës

15 Shkurt 2017 - 16:21      

Komuna e Malishevës ka njoftuar se të mërkurën ka filluar faza e dytë e realizimit të projektit të vizitave sistematike në shkollat e kësaj komune. Ky projekt, sipas njoftimit të Zyrës komunale të Informimit realizohet me qëllim të monitorimit të rritjes dhe zhvillimit të fëmijëve dhe identifikimit të problemeve potenciale shëndetësore, njofton korrespondenti i Kohës Ditore.

Realizimin e këtij projekti, e kanë parë nga afër, kryetari i Komunës së Malishevës, Ragip Begaj, drejtori për Shëndetësi, Hajdin Berisha dhe ai i Arsimit, Avdi Morina. Kryetari Begaj me këtë rast i ka përshëndetur dhe i ka uruar punëtorët shëndetësor të QKMF të Malishevës, për punën dhe kujdesin për shëndetin e fëmijëve në Komunën e Malishevës. Sipas Valbona Gashit, kryeteknike në QKMF të Malishevës, në fazën e parë të këtyre vizitave janë përfshi 900 nxënës të shkollave të Komunës së Malishevës, ndërsa në fazën e dytë do të përfshihen edhe 3000 nxënës.

© KOHA. Të gjitha të drejtat janë të rezervuara.