Lagjja “Poredin” në Gjilan kërkon ndërtimin e kanalizimit

15 Shkurt 2017 - 10:46      

Banorët e lagjes “Poredin” në Komunën e Gjilanit kritikojnë qeverisjen komunale, drejtuar nga kryetari Lutfi Haziri, se nuk e ka bërë zgjidhjen e problemit me sistemin e kanalizimit.

Ata deklarojnë se në lagjen e tyre nuk ka pasur asnjë investim nga Komuna sa u përket asfaltimit të rrugëve, ndriçimit publik dhe mungesë tjetër, sipas tyre, është edhe sistemi i ujësjellësit, shkruan sot “Koha Ditore”. Ndaj kërkojnë; fillimisht kanalizimin e ujërave të; zeza, i cili u shkakton telashe të shumta.

Mirëpo investim primar për ta mbetet ndërtimi i sistemit të kanalizimit, ngase të gjitha ujërat e zeza derdhen në tokat e kësaj lagjeje, duke bërë të papërdorshëm edhe ujin e puseve, të cilat i kanë shpuar me mjetet e tyre vetjake.

Banorët deklarojnë se ata kanë hapur gropat skeptike brenda oborreve të shtëpive, duke vendosur edhe një motor, me ç’rast gjatë natës detyrohen t’i derdhin ujërat e zeza në hapësirat brenda lagjes, ose në të kundërtën, sipas tij, shtëpitë mund të vërshohen.

Refik Beqiri është një prej banorëve të lagjes, i cili deklaron se premtimet e dhëna nga kreu i Gjilanit për zgjidhjen e problemeve në infrastrukturë gjatë fushatës elektorale nuk janë përmbushur... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.