Pranimet e dyshimta teknike të banesave të reja po u sjellin telashe banorëve [video]

12 Shkurt 2017 - 19:28      

Gëzimi për t’i kaluar pushimet në Kosovë i është kthyer në zhgënjim, Pleurat Gjekës, i cili ka kohë që jeton në Gjermani. Gjekaj e gjeti në gjendje të rëndë banesën e tij, për të cilën thotë se ka investuar shumë.

Tavani dhe muret janë dëmtuar nga uji, që sipas Gjekajt, ka depërtuar për shkak të mosfunksionimit të ujëmbledhësit, raporton TV Arta.

Nga Komuna e Fushë Kosovës thonë se kur u bë pranimi teknik në vitin 2013, çdo gjë ishte në rregull.

E, kompania ndërtuese “Tregtia”, thotë se rrjedhjet e ujit janë shkaktuar si pasojë e borës dhe ngricave që kanë ndodhur këtë vit.

Përfaqësues të kësaj kompanie më shumë e hedhin fajin te komuna dhe tek organizimi i banorëve.

Raste të tilla kur objektet, ndonëse iu bëhet pranimi teknik, dëmtohen pas një periudhe të shkurtër, nuk janë të rralla në Kosovë.

© KOHA. Të gjitha të drejtat janë të rezervuara.