Përroska e fshatit Pozheran - problem për tokat bujqësore

10 Shkurt 2017 - 12:30      

Kryetari i fshatit Pozheran, Driton Rama, ka thënë se autoritetet komunale kanë dështuar ta zgjerojnë shtratin e përroskës së fshatit, ndaj tokat e tyre po përmbyten vazhdimisht, shkruan sot Koha Ditore.

Ai thotë se reshjet e mëdha të shiut kanë bërë që uji të dalë nga shtrati duke vershuar tokat bujqësore dhe duke krijuar vështirësi të tjera për banorët.

“Është përroska që kalon në periferi të fshatit dhe ajo nuk absorbon ujërat. Nuk e kanë zgjeruar shtratin e përroskës dhe nuk ka pasur asnjë lloj intervenimi. Ne që kemi biseduar me qeverisjen komunale na kanë thënë se me shumë prioritet është kjo pjesa e fshatit Gjylekar për shkak se është më e rëndësishme dhe përfshin fshatin e Budrigës dhe dëmi është më i madh. Komuna ka qenë e informuar edhe për këtë pjesën tonë, mirëpo nuk e di për çfarë arsye nuk ka ndodhur investimi”, ka thënë ai.
(Gjerësisht sot në Koha Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.