Ferizaj lidhet me Gjilanin me rrugë 4-shiritëshe

9 Shkurt 2017 - 12:48      

Ministria e Infrastrukturës e ka konfirmuar se në muajin maj të këtij viti do të nisë asfaltimi i rrugës me katër shirita Ferizaj-Gjilan dhe Gjilan–Prishtinë, në vlerë prej më shumë se 10 milionë eurosh.

Ky projekt gradualisht do të vazhdojë edhe gjatë viteve të ardhshme.
Lutfi Zharku, ministër i Infrastrukturës, ka shpjeguar se ky projekt është në bashkëfinancim me BERZH-in.

“Segmenti i rrugës Kllokot-Gjilan do të ketë një ristrukturim të plotë me standarde , ndërsa rreth 3 kilometra në hyrje të Gjilanit do të bëhet rruga me 4 shirita. Gjithashtu nga Ferizaj deri në fshatin Bibaj do të bëhet rrugë me 4 shirita, sepse qëllimi është që sivjet ta lidhim këtë segment me autostradën. Ndërkohë, gjatë viteve në vazhdim do të lidhen këto qytete me vazhdim të këtij projekti”, ka thënë Zharku.
(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.