Inspektorati në Shtime denoncon kompaninë pastruese komunale

8 Shkurt 2017 - 09:20      

Shtime, 8 shkurt – Inspektorati i Shtimes ka shqiptuar fletëparaqitje ndaj kompanisë publike “Pastërtia”, e cila asnjëherë gjatë periudhës së fundit kohore nuk ka arritur t’i pastrojë trotuaret e qytetit dhe hapësirat publike nga bora dhe nga akulli.

Po të njëjtën fletëparaqitje Inspektorati i Komunës tashmë e ka deponuar edhe në Zyrën komunale të prokurimit, me qëllim që ta kenë parasysh se kjo kompani nuk e ka përfillur kontratën e nënshkruar për sezonin dimëror, shkruan sot “Koha Ditore”.

Sherif Sherifi, shef i Inspektoratit të Shtimes, ka deklaruar se kompania “Pastërtia” ka dështuar t’i pastrojë trotuaret dhe hapësirat publike gjatë sezonit dimëror, andaj pas ankesave të vazhdueshme të qytetarëve fillimisht i kanë bërë vërejtje e pastaj kanë shqiptuar edhe një fletëparaqitje me të cilën tashmë do të merret Zyra e prokurimit dhe Drejtoria e Shërbimeve Publike, të cilat kanë lidhur kontratë me këtë kompani të papërgjegjshme... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.