“Braktiset” vetura e kryetarit të Podujevës, Agim Veliu [video]

7 Shkurt 2017 - 15:16      

Një faqe në Facebook, që synon të paraqes problemet e me të cilat përballen qytetarët e Komunës së Podujevës, ka publikuar një video në të cilën shihet vetura zyrtare të kreut të kësaj komune, Agim Veliu.

Faqja “Podujeva Night”, gjatë ditës së sotme, ka përcjellë për rreth 10 minuta veturën e kreut të komunës e cila po qëndronte e parkuar pikërisht para derës së ndërtesës së Komunës, raporton Koha.net.

Ajo që e bëri edhe më të çuditshme këtë ngjarje ishte se vetura ishte e braktisur nga të gjithë, madje edhe nga shoferi.

E çudia tjetër ishte se, vetura, ndonëse e braktisur, motorin e kishte të ndezur.

Qytetari që ka incizuar ngjarjen, ka ndalur edhe qytetarët në rrugë për të marrë mendimet e tyre për këtë veprim.

Ata thonë se ky nuk është aspak veprim i mirë.

Për më shumë, shikojeni videon më poshtë:

© KOHA. Të gjitha të drejtat janë të rezervuara.