Peja e Istogu përfitojnë 3 milionë euro për disa projekte rrugore

4 Shkurt 2017 - 08:48      

Ministria e Infrastrukturës ka nënshkruar një memorandum me Komunën e Pejës dhe atë të Istogut, për financim projektesh infrastrukturore.

Komunës së Pejës i janë transferuar të drejtat e shpalljes së tetë tenderëve në vlerë prej 1 milion e 700 eurosh, shkruan sot Koha Ditore.

Sipas këtij memorandumi, të nënshkruar të enjten nga ministri i Infrastrukturës, Lutfi Zharku dhe kryetari i Pejës, Gazmend Muhaxheri, këto projekte do të financohen nga Ministria e Infrastrukturës, pa participim të komunës.

Projektet që do të financohen nga ky memorandum tashmë janë të identifikuara.

Sipas, drejtorit të Buxhetit e Financave të Komunës së Pejës, Jeton Abazaj, me këto mjete të ndara nga ministria, do të financohet vazhdimi i ndërtimit dhe asfaltimit të rrugës nga fshati Bogë deri në fshatin Shkrel të Rugovës. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.