Paralajmërohet shtim i masave të sigurisë në shkollat e Ferizajt

3 Shkurt 2017 - 12:34      

Një ditë pasi që 6 nxënës të gjimnazit “Shaban Hashani” janë lënduar me substancën “Aerosol”, Drejtoria për Arsim e Ferizajt, ka paralajmëruar shtimin e masave të sigurisë nëpër shkolla, shkruan sot Koha Ditore.

Muhamet Halili ka thënë se në të ardhmen e afërt do ta rrisin sigurinë e nxënësve nëpër objekte shkollore derisa janë duke realizuar projekte të ndryshme si instalimi i kamerave, punësimi i rojave etj.

“Të gjithë jemi të shqetësuar me këtë rast. Kjo vepër është kryer si shenjë revolte nga disa nxënës brenda kësaj shkolle derisa janë iniciuar disa procedura për parapërjashtim për problematikët. Në këtë incident asnjë nxënës nuk është alivanosur, por vetëm kanë pasur kollitje, ndërkaq si komunë menjëherë kemi dalë në vendin e ngjarjes, por i kemi vizituar nxënësit edhe në spital. Në të ardhmen do të rriten masat e sigurisë derisa jemi duke realizuar projekte të ndryshme nëpër shkolla për instalim të kamerave punësim të rojave etj.”, ka thënë ai.
(Tekstin e plotë sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.