Kuvendi i Gjilanit me vetëm një komitet konsultativ

2 Shkurt 2017 - 13:05      

Gjilan, 2 shkurt - Kuvendi Komunal i Gjilanit ka të themeluar vetëm Komitetin për Planifikimin Hapësinor, ndonëse sipas ligjit Komuna është e obliguar t`i themelojë komitetet e tjera konsultative me qëllim të pjesëmarrjes së qytetarëve në procesin e vendimmarrjes, shkruan sot Koha Ditore.

Në një raport të Ministrisë së Administrimit të Pushtetit Lokal (MAPL) nënvizohet se numri i komunave, të cilat i kanë themeluar komitetet konsultative është i vogël, ndonëse kjo është e obligueshme. Sipas raportit, nga gjithsej 38 komuna vetëm 10 komuna kanë themeluar disa komitete.

Ndër komunat, të cilat nuk i kanë themeluar komitetet konsultative është edhe ajo e Gjilanit. Valentina Bunjaku-Rexhepi ka deklaruar se themelimi i komiteteve të tjera konsultative nuk është i obligueshëm dhe se për të përmbushur detyrimin e tyre ata kanë formuar vetëm një komitet. “Qe 2 vite e gjysmë ne kemi formuar Komitetin Konsultativ, i cili është Komiteti i ekspertëve për planifikim hapësinor”, ka thënë ajo (gjerësisht, sot në “Kohën Ditore”).

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.