Banesat dhe lokalet në dy ndërtesa në Drenas të uzurpuara, në mesin e uzurpatorëve edhe PDK-ja [video]

29 Janar 2017 - 20:26      

Shumë banesa të dy objekteve në Drenas janë të uzurpuara, përfshirë edhe tri lokale, ku një prej tyre e shfrytëzon nga partia që udhëheq këtë komunë PDK-ja.

Këto dy objekte ishin ndërtuar gjatë vitit 2009 dhe që nga atëherë, vetëm pesë banesa janë ndarë për shfrytëzim me vendim të Kuvendit Komunal ndërsa të tjerat janë të uzurpuara.

Opozita në këtë komunë thotë se kjo është bërë për interesa personale të komunarëve.

Ata thonë se këtë çështje e kishin ngritur disa herë në kuvend por që zyrtarët komunalë, sipas tyre, kanë refuzuar të japin përgjigje në lidhje me këtë.

Asamblistët pohojnë se nëse komuna nuk ndërmerr diçka, do t’i drejtohen Gjykatës.

Në komunë pranojnë që janë në dijeni të këtij problemi por premtojnë se shumë shpejt do ta gjejnë një zgjidhje.

© KOHA. Të gjitha të drejtat janë të rezervuara.

Banesat dhe lokalet në dy ndërtesa në Drenas të... by kohanet