Pezullim dhe vërejtje për 5 nxënës që dëmtuan inventarin e shkollës

28 Janar 2017 - 08:29      

Komuna e Lipjanit, në bashkëpunim me drejtues të shkollës së mesme profesionale "Adem Gllavica" në Lipjan, ka pezulluar nga shkolla pesë nxënës të klasës XII-2, të cilët një muaj më parë kanë dëmtuar inventarin e shkollës, shkruan sot Koha Ditore.

Vërejtje kanë marrë edhe tre mësimdhënës, të cilët gjatë asaj dite ishin kujdestarë për ta mbajtur rendin në këtë shkollë.
Një incizim i veprimit të nxënësve është publikuar në rrjete sociale. Në të shihen vajza dhe djem duke thyer karriget dhe bankat, teksa drejtues të komunës patën mohuar ngjarjen.

Por hetimet për këtë ngjarje nisën pas raportimit të gazetës “Koha Ditore”. Kurse autoritetet e kanë pranuar se ngjarja ka ndodhur në shkollën e mesme profesionale të këtij qyteti.

Hajrush Stublla, drejtor i shkollës së mesme profesionale "Adem Gllavica", në Lipjan, ka thënë se 2 vajza janë pezulluar nga shkolla me nga 3 muaj, 2 vajza të tjera me nga një muaj dhe një djalë për një muaj.

(Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.