Në Podujevë ka ende shkolla që mbajnë mësim me tri ndërrime [video]

26 Janar 2017 - 22:26      

Kur gati Kosova e ka harruar mësimin në tre ndërrime, kësaj përvoje të vjetër po i qëndron besnike Shkolla “Kadri Kadriu” në fshatin Llaushë e Ulët, e komunës së Podujevës.

150 nxënës gjatë këtij sezoni, mbajnë mësim me orar të përgjysmuar e nganjëherë edhe në kohëzgjatje prej 20 minutash, raporton KTV.

Mësimdhënësit thonë se sado që mundohen, e kanë të vështirë të zhvillojnë mësim cilësor.

Objekti i kësaj shkolle është i vjetër dhe shumë i dëmtuar. Brenda ka vetëm 4 klasë.

Përgjegjësi i shkollës, Gani Zymeri, thotë se kanë kërkuar nga Komuna e Podujevës të gjejë një zgjidhje, por deri tash nuk ka asgjë të re.

Avni Maloku, i drejtor i Arsimit në Podujevë, i ka thënë KTV-së nëpërmjet telefonit se beson që këtë vit të fillojë ndërtimi i një shkolle të re. Sipas tij, me prioritet kanë qenë disa objekte tjera me gjendje edhe më të rëndë nëpër fshatrat e Podujevës.

Gjithsesi, komuna shpreson që në këtë drejtim t’i ndihmojë edhe Ministria e Arsimit.

© KOHA. Të gjitha të drejtat janë të rezervuara.