Nishori dhe Breshanca të Suharekës duan transport për nxënësit

25 Janar 2017 - 08:32      

Suharekë, 25 janar – Pas reagimeve të qytetarëve nga fshatrat: Nishor dhe Breshancë lidhur me mostransportimin e nxënësve të këtyre vendbanimeve në shkollë, kryetari i Komunës së Suharekës, Sali Asllanaj, ka sqaruar se autoritetet lokale janë në procedurë të përzgjedhjes së operatorit për kryerjen e këtij shërbimi.

Sipas tij në dy procedurat paraprake të prokurimit ka pasur vetëm një ofertues, me çmim joadekuat, shkruan sot “Koha Ditore”.

Në një letër publike të kryesisë së fshatit Breshancë drejtuar DKA-së, të publikuar edhe në rrjetet sociale bashkë me fotografitë e nxënësve, duke ecur, është kritikuar qasja e zyrtarëve komunalë ndaj banorëve të këtij fshati..

Ndërkohë edhe banorë të lagjes Brahaj nga fshati Nishor janë shprehur të brengosur që fëmijët e tyre duhet të shkojnë në këmbë në shkollën fillore që ndodhet në distancë prej 3 kilometrash. Sipas tyre pjerrtësia e rrugës është e madhe, por ka edhe qen endacakë... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.