Këshilltari shmang gjendjen e konfliktit të interesit

23 Janar 2017 - 12:10      

Agjencia Kundër Korrupsionit ka marrë vendim që ta mbyllë rastin ndaj Shefket Kolgecit, këshilltar i Kuvendit të Komunës së Suharekës, për shkak se ka konstatuar se ky zyrtar i lartë publik ka shmangur gjendjen e konfliktit të interesit në të cilin ndodhej, si person i autorizuar në biznes privat.

AKK-ja në vendimin e publikuar ditë më parë ka bërë të ditur se rasti mund të rihapet në çdo kohë, nëse paraqiten rrethana të reja, shkruan sot “Koha Ditore”.

Në këtë vendim, të nënshkruar nga drejtori i AKK-së, Shaip Havolli, thuhet se Agjencia kishte hapur rastin ndaj këshilltarit Kolgeci nën dyshimin e bazuar për konflikt interesi në ushtrimin e funksionit publik, që është trajtuar sipas legjislacionit përkatës.

(Më shumë lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.