LVV: Komuna e pastron borën në rrugë të militantëve të vet

21 Janar 2017 - 10:30      

Qendra e LVV-së në Pejë ka reaguar të premten me pohimet se komuna po pastron rrugët nga bora vetëm në pjesët ku jetojnë militantët e subjekteve në koalicionin qeveris në Pejë, LDK-PDK, shkruan sot Koha Ditore.

“E kemi rastin në fshatin Qyshk, ku aktivistet tonë janë vetorganizuar me mjetet e tyre për pastrimin e rrugëve, ndërsa rrugët e tjera të fshatit ku familjet konsiderohen si mbështetëse të qeverisjes lokale, rrugët janë pastruar nga operatoret e angazhuara nga autoritetet komunale”, thotë nënkryetari i qendrës së LVV në Pejë, Taulant Kelmendi.

Një aktivisti i LVV në fshatin Qyshk, sipas Kelmendit e ka argumentuar edhe me video dhe fotografi se si operatori i angazhuar nga komuna ka pastruar rrugën para shtëpive të familjeve që njihen si mbështetëse të LDK-së dhe PDK-së, derisa ka lënë pa pastruar rrugët para shtëpive të familjeve që njihen si opozita e fshatit, të cilat pastaj vetë me një traktor kanë pastruar rrugën e tyre.

(Më shumë lexoni sot në Koha Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.