“Ecohigjiena” i cilëson grevat shkelje e rëndë e detyrave të punës

19 Janar 2017 - 12:30      

Menaxhmenti i kompanisë së pastrimit “Ecohigjiena” në Gjilan s’do ta ndryshojë të drejtën e punëtorëve për organizimin e grevës, që është rregulluar me ligj të miratuar në Kuvendin e Kosovës, shkruan sot Koha Ditore.

Në njërën nga pikat e kontratës së re të punës, e cila është përpiluar nga menaxhmenti konsiderohet si shkelje e rëndë e detyrave të punës pjesëmarrja në grevë, të cilat i konsiderojnë si të paligjshme.

Këtë kontratë e ka siguruar edhe KD-ja. Një kontratë të tillë ka refuzuar ta nënshkruaj një nga punonjësit e kompanisë, Avdil Ibishi. Ai konsideron se grevat të cilat konsiderohen si të paligjshme për menaxhmentin janë të ligjshme për punëtorët, ngase ata tashmë një kohë të gjatë janë duke kërkuar përmbushjen e të drejtave të tyre përmes grevave siç është ngritja e pagës, furnizimi me veshmbathje të punonjësve dhe kushte të tjera.

Ai thekson se në kontratat në të kaluarën të cilat i kanë nënshkruar nuk ka ekzistuar një pikë e tillë, ndërsa tentativa për të ndaluar grevën është një absurditet, ngase e drejta e grevës është e rregulluar me ligj.
(Tekstin e plotë lexojeni sot në Koha Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.