Prizreni blen pajisje për matje të cilësisë së ajrit

18 Janar 2017 - 08:37      

Prizren, 18 janar – Qeveria lokale e Prizrenit ka miratuar propozimin e Drejtorisë së Administratës për inicimin e procedurës së prokurimit për blerjen e pajisjeve për matjen e cilësisë së ajrit në këtë komunë.

Para miratimit të këtij vendimi është zhvilluar një debat i gjatë, me ç’rast kryetari Ramadan Muja ka kërkuar sqarime më të hollësishme rreth këtij projekti, ndërkohë që nga ana tjetër partnerët e koalicionit nga AAK-ja, nënkryetari Lulzim Kabashi dhe drejtori i Administratës, Ilir Baldedaj, e kanë arsyetuar si kërkesë që ka ardhur nga niveli qendror, shkruan sot “Koha Ditore”.

“Në saje të këtij projekti qytetari i Prizrenit do ta dijë se çfarë cilësie të ajrit ka në komunën e tij”, ka thënë Baldedaj. Sipas tij, pikat se ku do të vendosen pajisjet përkatëse do të përcaktohen në bashkëpunim me ekspertët e nivelit qendror. Para Këshillit të drejtorëve ka sqaruar se për fillimin e zbatimit të këtij projekti janë planifikuar 35 mijë euro... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.