Malisheva s’mund të kryejë asnjë pagesë deri në muajin shkurt

17 Janar 2017 - 10:33      

Zyrtarët e lartë të qeverisë lokale të Malishevës kanë adresuar vërejtje në drejtim të Ministrisë së Financave për mosalokim të mjeteve financiare në buxhetin komunal, me përjashtim të kategorisë së dedikuar për paga.

Sipas tyre, organet komunale nuk do të kenë mundësi që të kryejnë pagesa pa u alokuar mjetet nga ministria përkatëse, shkruan sot “Koha Ditore”. Shqetësimin për këtë çështje e ka paraqitur të hënën drejtori i financave, Vesel Krasniqi, gjatë mbledhjes së rregullt të qeverisë lokale.

Sipas buxhetit të miratuar nga KK-ja e Malishevës, në vitin 2017 Komuna e Malishevës do të ketë në dispozicion buxhetin prej 12.86 milionë eurosh, apo 500 mijë euro më shumë se në vitin e kaluar. Ndërkaq për investime kapitale janë të planifikuara rreth katër milionë sosh... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.