Inspektorët mbyllin në Shtime 2 lokale për veprimtari të paligjshme

17 Janar 2017 - 10:05      

Inspektorët komunalë të Shtimes, në bashkëpunim me Policinë e Kosovës, kanë nisur një aksion në fundjavën e shkuar për mbylljen e disa lokaleve të kafeneve, të cilat kanë funksionuar pa dokumentacion dhe njëherësh po mbajnë të punësuar persona nën moshën 18- vjeçare.

Për këto dhe për disa parregullsi të tjera, pronarët e kafeneve kanë bërë vepra penale, ndërkohë në këtë proces përveç mbylljes së 2 kafeneve, policia ka arrestuar dhe po i mban në paraburgim 5 persona me dyshimin se ata kanë trafikuar njerëz, shkruan sot “Koha Ditore”.

Sherif Sherifi, shef i Inspektoratit të Shtimes, ka deklaruar se gjatë një aksioni kanë mbyllur 2 lokale afariste. Ato në mënyrë të paligjshme dhe pa ndonjë dokument biznesi kanë zhvilluar veprimtaritë e tyre.

Sipas tij, në lokalin e parë me një sipërfaqe mjaft të vogël, kanë gjetur të punësuar pa ndonjë kontratë apo dokument 4 vajza të mitura me të cilat dyshohet se është kryer trafikim. Gjithashtu edhe në lokalin e dytë është gjetur një vajzë nën moshën 18-vjeçare... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.