Bahtiri kërkon ndëshkim të bizneseve që s’i kanë pastruar trotuaret

16 Janar 2017 - 16:51      

Kryetari i Komunës së Mitrovicës, Agim Bahtiri mori pjesë në mbledhjen e Bordit të drejtorëve, në të cilën temë kryesore shqyrtimi ishte fillimi i gjysmë vjetorit të dytë të vitit shkollor në këtë komunë.

Bahtiri, pasi ju tha drejtorëve se duhet të mobilizohen dhe angazhohen maksimalisht për kryerjen e obligimeve të tyre, sipas dinamikës së paraparë, kërkoi nga drejtori i Inspekcionit, Ismet Syla që inspektorët menjëherë të dalin në terren dhe të marrin masa për pastrimin e hapësirave publikë përpara dyqaneve e objekteve tjera dhe ndaj të gjithë pronarëve që nuk e respektojnë urdhrin, të iniciojnë masa ndëshkuese administrative të lejueshme me rregullore dhe ligje.

Po ashtu, Bahtiri kërkoi nga drejtori i Infrastrukturës dhe Shërbimeve Publike, që të bëjë sa më parë shpalljen e tenderit për angazhimin edhe të kompanive tjera për pastrimin e qytetit, sepse qytetarët nuk janë të kënaqur me shërbimet e kompanisë kontraktuese aktuale.

Drejtori i Drejtorisë për Mbrojtje dhe Shpëtim, Musa Dragaj, tha se komuna kë bërë të pamundurën për hapjen e rrugëve në ditët me mot të lig deh falë këtij angazhimi situata ka qenë e kënaqshme, ndërkohë që Ministria e Infrastrukturës nuk e ka kryer punën siç duhet, sidomos në rrugën rajonale Bajgorë-Kaqandoll-Podujevë. 

© KOHA. Të gjitha të drejtat janë të rezervuara.