Drenasi pastron trotuaret nga bora deri te dy shkollat e mesme

15 Janar 2017 - 16:12      

Në prag të fillimit të gjysmëvjetorit të dytë, të vitit shkollor 2016/2017, Drejtoria e Shërbimeve Publike dhe Emergjencë dhe organi mbikëqyrës, kanë inspektuar operatorët ekonomikë në pastrimin e borës nga qendra deri të dy shkollat e mesme.

Pas intervenimeve në qendër dhe fshatra, janë pastruar edhe trotuaret që frekuentojnë nxënësit e dy shkollave të mesme, asaj të Gjergj Kastrioti “Skënderbeu” dhe nxënësit e Shkollës së Mesme Profesionale “Fehmi Lladrovci”, thuhet në njoftimin për media të Komunës së Drenasit.

“Bora është larguar nga trotuaret më qëllim që të ju mundësohet nxënësve lëvizje e lirë”, thuhet në njoftim.

Ndryshe, nesër me 16.01.2017 e hënë, fillon gjysmëvjetori i dytë i vitit shkollor 2016/2017 dhe Drejtoria Komunale e Arsimit ka njoftuar se janë bërë të gjitha përgatitjet për fillimin e procesit mësimor në të gjitha shkollat e Komunës së Drenasit.

© KOHA. Të gjitha të drejtat janë të rezervuara.