Aksion për pastrimin e rrugëve që çojnë te objektet shkollore

14 Janar 2017 - 10:31      

Kryetari i Komunës së Ferizajt, Muharrem Svarqa, nëpërmjet një konference për media, ka njoftuar se shtabi emergjent i formuar pas reshjeve të borës tashmë është duke punuar për hapjen e rrugëve në afërsi të shkollave dhe hyrje-daljeve të objekteve shkollore, në mënyrë që të gjithë nxënësit dhe punëtorët arsimorë të kenë qasje me rastin e fillimit të gjysmëvjetorit të dytë, shkruan sot Koha Ditore.

”Konstatoj se të gjitha rrugët aktualisht janë të kalueshme dhe qytetarët kanë qasje në të gjitha institucionet, ndërkohë që po punohet edhe më tej për pastrimin e tyre nga bora. Gjatë kësaj jave kemi ndihmuar me artikuj ushqimorë 70 familje, kryesisht të fshatrave të thella malore në Jezerc dhe Burrnik, por edhe të fshatrave të tjera varësisht prej nevojës së qytetarëve. Nga familjet e ndihmuara, rreth gjysma janë të komuniteteve pakicë, gjë që tregon qasjen parimore të Komunës ndaj të gjithë qytetarëve”, ka njoftuar Svarqa.

(Detajet mund t’i gjeni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.