Menaxhmenti i “Ecohigjienës” hetohet për rrezikim të shëndetit qytetar

14 Janar 2017 - 08:12      

Prokuroria Themelore e Gjilanit ka nisur hetimet ndaj menaxhmentit të kompanisë së pastrimit “Ecohigjiena” për veprat penale që lidhen me rrezikim të shëndetit të qytetarëve. Prej 2 javësh kompania e pastrimit nuk është duke i grumbulluar mbeturinat, shkruan sot Koha Ditore.

Jetish Maloku, kryeprokuror i Prokurorisë Themelore në Gjilan, ka bërë të ditur se situata e krijuar me mbeturinat i ka detyruar ata që të fillojnë këtë hetim, për shkak të mundësisë së përhapjes së ndonjë epidemie që do të mundë të rrezikonte seriozisht jetën e qytetarëve. Ai thotë se Prokuroria ka pritur nga palët e përfshira në mosmarrëveshje në kompaninë e pastrimit të gjenin ndonjë zgjidhje, porse këto shenja nuk ishin dhënë dhe se gjendja me mbeturinat është përkeqësuar.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.