Komuna s`arrin ta heqë akullin as para objektit të vet

13 Janar 2017 - 11:37      

Duke i lënë pa pastruar rrugët, Komuna e Pejës i ka dhënë mundësi akullit të krijojë shtresa të trasha, madje edhe para objekteve të institucioneve komunale, duke u shkaktuar kështu vështirësi qytetarëve për qasje më të lehtë në këto objekte, pa rrezikuar shëndetin nga rrëshqitja e mundshme, shkruan sot Koha Ditore.

Kjo gjendje para objekteve të institucioneve komunale të Pejës ende nuk është përmirësuar, pavarësisht se reshje të borës nuk ka pasur këto ditë të fundit. Rruga buzë parkut të vogël, që lidh tri objekte të komunës, është tërësisht e mbuluar me shtresa të trasha akulli dhe qytetarët që duan të kryejnë ndonjë punë në ndonjërën prej drejtorive komunale në ato objekte lëvizin bashkë me rrezikun se do të rrëshqasin dhe lëndohen.
(më gjerësisht lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.