“Komuna e Drenasit ende me zyrtarë keqpërdorues”

11 Janar 2017 - 12:59      

Ish – kandidati për kryetar të Drenasit Xhavit Drenori e ka quajtur lajm të mirë për Drenasin fillimin e zbatimit strikt “anti duhan” nëpër lokale të mbyllura si dhe vendimin për suspendim të zyrtarëve me aktakuza nga kryetari i komunës Ramiz Lladrovci, transmeton Koha.net.

Por, Drenori në Facebook ka shkruar se “krimbi” është në kokë e jo në bisht.

“Janë drejtorët (disa) që ende po i mban në ekip ata që janë përgjegjësit kryesor për keqpërdorim të skajshëm të pozitave zyrtare.

Për shumë nga ta tashmë ka aktakuza por edhe kallëzime penale”, ka shkruar Drenori duke shtuar:

“Nëse shoh këtë gatishmëri të kryetarit që me të vërtetë të “pastrojë” komunën tonë nga korrupsioni, së shpejti do ja dorëzoj dosjen e drejtorëve të cilën para disa dite ja kisha dorëzuar edhe zyrtarëve të lartë të ambasadës amerikane në Prishtinë (kallëzime penale dhe denoncime të krimeve të rënda për keqpërdorim të pozitave zyrtare, të gjitha të argumentuara skajshmërisht!)”. 

© KOHA. Të gjitha të drejtat janë të rezervuara.