Qendra turistike në Bogë, pa shërbime mjekësore

9 Janar 2017 - 09:25      

Me shërbime të mjekësisë primare është i mbuluar mirë pothuajse i tërë territori i Komunës së Pejës, për dallim nga treva e Rugovës, e cila që shumë vite është pa këtë përkujdesje shëndetësore.

Megjithëse është shtuar numri i banorëve me hapje të bizneseve të ndryshme hoteliere dhe gjithashtu është shumëfishuar numri i turistëve ditorë e disaditorë, ende nuk ka mjek, madje as mobil, në asnjërin prej 15 fshatrave të kësaj treve malore, shkruan sot “Koha Ditore”.

Objektet e ambulancave ekzistuese në fshatrat Drelaj dhe Haxhaj, përveç mureve që ende qëndrojnë, janë pothuajse tërësisht të shkatërruara, derisa ambulancës në Kuqishtë nuk i dihen as ku i ka pasur themelet.

Mungesën e mjekëve e në Rugovë e kanë parasysh edhe zyrtarët e shëndetësisë në Pejë, të cilët tek këtë muaj duket se kanë filluar të mendojnë pak dhe të bëjnë plane për ta mbuluar me shërbime mjekësore me një ambulancë mobile, së paku gjatë ditëve të fundjavës, dhe atë vetëm në fshatin Bogë.

(Tekstin e plotë lexojeni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.